[b][center]الضمير والعمل [/center][/b]

لو كل واحد يتقى الله فى شغله ويعمله على اكمل وجه ..والله العظيم لو ده حصل .....هتبقى بمبى بجد

لو الموظف راح مكتبه ناوى يتقى الله ومايعطلش مصالح الناس ولا ياخد حاجة مش من حقه (رشوة يعنى)

لو العامل فى مصنعه اشتغل بجد

لو الشاب الخريج مش لاقى شغل بس اشتغل اى حاجة ان شالله عامل فى اى مكان بس يشتغل
لو ...لو ....لو....

...فى اوروبا وامريكا الولد ممكن يكون ابوه غنى....والله بيكون ابوه غنى.... لكنه والله بيشتغل جنب دراسته وبيشتغل اى حاجة مش فارقة خالص انما هنا .......
.....انا اشتغل عامل ؟؟؟ انا ؟؟؟....... كرامتنا بتنئح علينا طب خلاص ما تفتحش بقك وما تتكلمش فى السياسة ......هى كده ...تشتغل هترتاح ...يكون ليك وضعك فى بلدك ....ساعتها تبقى انت من النوع اللى يقدر يغير فى بلده
انما عمالين نتكلم ونشتكى ومفيش شغل ...هنفضل فقراء هنفضل جهله هنفضل مرضى ...مش قادرين على التغيير وخايفين ونفضل نشتكى ونقول ....منه لله

الموضوع كله من أعمالكم سلط عليكم ..بمعنى ان نص الشعب مش بيشتغل والنص اللى بيشتغل مش بيشتغل بجد يبقى لازم البلد تبقى فقيرة ...والفقر يجيب الجهل والمرض ....والجهل والمرض يعملو فوضى ...والفوضى احنا عايشين فيها دلوقت ...ومع الفوضى بقه لا تقولى حرية ولا غيره ..

ياجماعة الشعوب هى اللى بتصنع حرياتها بنفسها .....يعنى بلد زى فرنسا مش بلد فيها حرية عشان ربنا رزقهم برئيس كويس واحنا معندناش حرية عشان ربنا رزقنا برئيس مش كويس .... عاوزين حرية بعد كده ايه اعتقد ان السياسة في امور فيها مش كل واحد راح يعرفها والا بقت سلاطة

لأ ...هناك الشعب هو اللى بيجيب اللى هو عايزه ولو احنا مش قادرين نجيب اللى احنا عايزينه يبقى العيب فينا احنا ....يبقى نغير نفسنا الاول ونشتغل وساعتها هنكون قادرين نغير... انما الشكوى ..من غير شغل ...ولا هتعمل حاجة ...(ان الله لا يغير ما بقوم حتى يغيروا ما بأنفسهم )

الموضوع ببساطة ان الشعب مش بيشتغل ...والسيئة تعم

يبقى نشتغل يا جماعة ...انا مقر ان وضعنا كشعب مش كويس وان اللى ماسكين البلد همهم انفسهم و...و...و...بس مش هنفضل نشتكى

عايزين من خلال المنتدى هنا نتبنى أفكار وننشرها وتبقى زى حملة تساهم فى التغيير مش مجرد الشكوى والبكاء وخلاص وياريت اول حاجة نعملها اننا نشتغل ...وانا بقترح اننا نفعل موضوع ...كل واحد يعمل اللى عليه فى مجاله على أكمل وجه

معظمنا هنا فى المنتدى طلبة ...يبقى لازم نشد حيلنا وحتى الناس اللى خلصت دراسة ان كانوا بيشتغلوا ..يشتغلوا اكتر ويطوروا ...ولو مش بيشتغلوا ينزلوا يشتغلوا اى حاجة ..اى حاجة ...الرسول صلى الله عليه وسلم قبل يد رجل كانت خشنة من كتر الشغل تخيل النبى باس ايد راجل... ...ليه ؟ عشان شاف ايده خشنة من اثر العمل.......ياعم انزل اشتغل بس راعي ضميرك في شغلك وملكش دعوه بغيرك .

وميشربش قهوة وشاي بالشغل مينفعش
ويتكلم مع اصحابه مينفعش

وانا معك اخي بقلهم بجد اتقوا الله في شغلكم
حتى يكون الله مبارك في راتبك
الحمدالله انا موظفه بقوم بدوري على اكمل وجه
وربنا بيشهد

» [center][b]صناعة الضمير عند الطفل[/b][/center]
» [center][b]نداء إلى المربين والمربيات لتوجية البنين والبنات [/b][/center]
» [center][b]توليد الثقة بالنفس بثلاث كلمات فقط [/b][/center]
» [center]تعالوا نحب هذا الوطن ..الجميل [/center]
» [center][b]نداء الي وزير النقل والمواصلات [/b][/center]