قالوا وقلت

قالوا وقلت.

قالوا فى تقرير حكومى ان 51% من البنات فى سن الزواج بلا زواج.
قلت: يافضيحتى طلعت فى تقرير حكومى على اخر الزمن, الحكومه جابت سيرتى يابشررر.

قالوا: زمااان مقوله لمصطفى كامل بتقول:لو لم اكن مصريا لوددت ان اكون مصريا.
قلت: دلوقتى بنقول لو لم اكن مصريا يباه قشطه كده.

قالوا فى مكالمات بين سوزان تميم واحد رجال هشام طلعت فى برنامج الحقيقه ,سوزان قالت بالحرف:
يادودو ميهددنيش انا ست ب 100 راجل,!!!!!!
وشوف انا اعرفه من اد ايه ولمسش شعره منى وانت عارف ده كويس,
وانا ياما كنت بسيبه وهو اللى يرجع يتحايل عليا.!!
قلت:يخيبك يا اتش انت عملت دا كله وملمستش شعره منها اومال لو لمست كنت هتعمل ايه؟.

قالوا: نعمل ايه ياشيما مفيش مكان لدكاتره ولا مهندسين ولا اى حد محترم فى البلد دى..
قلت: طب ومفكرتوش تشتغلوا رقاصه اكيد هتلاقوا مكان ليكو.

قالواعلينا جيل تافه وبايظ وجيل بلا هويه وفاقد الانتماء.
قلت وتفتكروا مين اللى ربانا مش الجيل صاحب الهويه والانتماء.

قالوا محدش يبوس سيادة الوزير فى المطار ونبهوا على بعثه مصر بضروره التنفيذ, خوفا من انفلوزنزا الخنازير.
قلت على ميييييييين؟ دحنا شعب بويييييييييس.

قالوا انهم لن يسمحوا للمرأه بارتداء النقاب فى فرنسا لان ده بيقيد حريتها وبيرجعها لزمن الاستعباد.
قلت:واحد خان مراته مع عارضه ازياء وبعدين جيه مصر فى زياره رسميه ونزلوا سوى سوى,
وكان وماشى سحبها معاه كده عينى عينك , رئيس مسخره لامؤاخذه.
عاوزينه يقول ايه؟هاتوا السجاده اصلى ركعتين ,ليس على السفيه حرج.

قالوا لفضيلة شيخ الازهر ايه رأيك فى قرار منع لبس النقاب فى فرنسا؟
رد وقال: أنا مالى ومال خلع النقاب فى فرنسا؟
قلت:ومستغربين ليه دا سلم على شيمون بيريز وهو بيقول انا معرفش ده كان مين؟
تلاقوه بيقول فرنسا؟؟؟ فرنسا؟؟؟ انا سمعت بيها قبل كده فييييين؟ياشيخ الازهر جمعيات حقوق الانسان معترضه
وبتقول ان ده تعدى على حرة المراه وانت تقول انا ومالى؟؟؟؟

قالوا,ليه القمح الفاسد اللى جاى من روسيا دخل وليه الفاكهه بتاعتنا اللى فيها دبانه بسسسسس,, مدخلتش؟
قلت: اصلهم فى روسيا بنى ادمين لكن هنا احنا مصريين.

قالوا: هو فين ممدوح اسماعيل؟
قلت ممدوح اسماعيل؟ ممدوح اسماعيل؟؟؟ انا سمعت الاسم دا فيين قبل كده؟
ااااه تقصدوا اللى موت اكتر من الف مصرى فى العباره؟
والله انتو عليكو اسأله ملهاش معنى.

قالوا احتمال الحضرى يرجع الاهلى.
قلت:على جثتى يا اهلى وهلغى الكور الحمرا من دمى لو البيه ده رجع.

قالوا انتى ليه مبتسامحيش اللى يجرحك.
قلت علشان عمرى مبجرح حد واحب اتعامل زى مبعامل.

قالوا الزواج مقبرة الحب وسجن قيوده ابديه.
قلت العيب فيكو لا فحبايبكو اما الحب ياروحى عليه .

قالوا انتى مين الشحصيه الجاده ولا المرحه,الشخصيه العاقله ولا المجنونه.
قلت واضح ان عندى شيزوفرينيا.

قالوا الحب الاول ميتنسيش,قلت الحب الحقيقى ميتنسيش.

hdm hgh[lhg ]m
الترجمة
اية الجمال دة
lha;,v ugd hgl,q,u
الترجمة
مشكور علي الموضوع

lkj/v lk; hgl`d]
الترجمة
منتظر منك المزيد
fs u[fjkd fjhuj hk gl h;k lwvdm
الترجمة
بس عجبتني الحتة بتاعت ان لم اكن مصريا

kgj ;ldfjk lfjgmd sfk lgmdf;l gkllfl l kbfd lgdlg klfgkdl klk klkl; lk ;;l k;lk
الترجمة
سلام

ههههههههههههههههههههههههههههههههههههه

بتجنن بجد
حوار جميل
مشكووووووووووووووورر كتير

مجهود رائع

أنا معاك فى كله ماعدا موضوع الحضرى

شكراً جزيلاً

cheers

HeRoOoO

» قالوا عن المراة
» قالوا عن الحب 000
» قالوا زمان في الامثال