[center][b]انفاس الحرية [/b][/center]

مدت ايديها فكت التوكة

وسيبت شعرها وفكته من بعض

فردته على ضهرها

ووقفت بالجنب قدام المراية

وبصت على شعرها تشوف طوله بقى اد ايه

اتعدلت فى وقفتها

وبصت فى المراية

شافت بؤرتين سوداويتين مكان تجويف عنيها

و شافت وشها الشاحب

و شعرها اللى عامل هالة سودة حواليه

حست بخنقة وقهر

مسكت المقص واترددت لحظات

وقالت بينها وبين نفسها

بلاش كدة .... ده اجمل حاجة فيا

لكن القهر اللى جواها خلاها تحسم موقفها

ومسكت خصلة من شعرها وقصتها

ورمتها على التسريحة وبينها وبين نفسها

قالت دى هتخلينى مش هخاف منه تانى

وقصت خصلة تانية وقالت

ودى هتخلينى مش هخاف منها تانى

وخصلة تالتة وقالت دى هتخلينى

ماخافش من قول كلمة حق

وترمى خصلة رابعة وتقول

ودى هتخلينى اضحك من قلبى

وخصلة خامسة تترمى على التسريحة

و تقول دى هتخلينى اعيط براحتى

ومش هاكتم عياطى جوايا

وخصلة سادسة تقصها

وتقول دى هتخلينى اصرخ

اصرخ اوى

اصرخ باعلى صوت فيا

وخدت باقى شعرها وقصته

وقعدت تقص فيه بطريقة عشوائية

وبضربات مقص سريعة

خلت شعرها قصير جدا واطواله مش متناسقة

ورمت المقص ورمت باقى شعرها على التسريحة

وبصت لنفسها فى المراية

وابتسامة كبيرة اترسمت

على خدودها وجوة عنيها

وقالت بصوت مسموع

ودى هتخلينى اعرف اتنفس

و غمضت عنيها وخدت نفس

عمييييييييييييييييييق

وخرجته

بشويييييييييييييييييييييش

ههههههههههههههههههههههههه
ههههههههههههههههههه
تصدق اني انا الي اخدت نفس طويل
مشكور

مشكوووووووووووووووووووور

ولا وينك غلبتنا ومش عايز اقول اكتر من كده

» [center][b]نداء إلى المربين والمربيات لتوجية البنين والبنات [/b][/center]
» [center][b]لماذا نتمني الموت عندما نحزن [/b][/center]
» [center][b]توليد الثقة بالنفس بثلاث كلمات فقط [/b][/center]
» [center][b]اقلام رائعة فأختر اى قلم تريده [/b][/center]
» [center][b]مراقبة المعاناة لا تتطلب اى مجهود منك [/b][/center]